بسبب حرمانا منها بالغربة منجرب ومنبتكر لنحاول يطلع معنا شي يزكرنا بريحة بلادنا
وفعلا النتيجة كانت أكثر من رائعه والطعم خيالي الحمد لله
العجينه فقط
طحين ولكل كاسه طحين بدنا معلقة حليب بودرة ورشة ملح وماء دافئ للعجن حسب كميه الطحين ونوعه فقط ومنعجن كتتير منيح
ومنغطيها ومنتركها تتخمر ساعه
بعد ساعه منقسم العجينه كرات ومنوضعهن ع صينيه فيها طحين ومنتركها ترتاح كمان ساعه
بعد ساعه منفرد العجينه بالاستعانة بالطحين ومنرققها منيح ومنقصها ع شكل دائري بالاستعانة بصحن مدور منشان تطلع الصفيحة كلها نفس الشكل منوضعها ع صينيه ومنفرد اللحمه عليها بشكل كامل بدون فراغات وع الفرن حتى تستوي من تحت ومنشعل من فوق لتنشوى شوي
تتبيلة اللحمه ب البندورة
لحمه ناعمه
بندورة 2 مبشورة
بصل 1 مبشورة
ملح فلفل بهارات رشة كزبرة يابسة عصفر معلقة رب البندورة
تتبيلة اللحمه باللبن
لحمه ناعمة
لبن
معلقة طحينه
دبس رمان كميه وافرة
2 بصل مبشورة
ملح فلفل بهارات عصفر
انتوا اضبطوا الكميات ع النظر
وبس تطلع الصفيحة فردوها ع قطعه قماش نظيفة وبعدين حطوا بجاط التقديم وغطوها ب قماشة نظيفه أو كيس
وتقدم بجانب اللبن العيران وسلطة ومخللات
وألف صحة وهنا وأي سؤال انا بالخدمة
#الشيف_محمد
إرسال تعليق